ढोरेगाव शिवारातील ऊसाच्या शेतात आढळला तरुणाचा मृतदेह; परिसरात खळबळ

ढोरेगाव(गंगापूर) : औरंगाबाद अहमदनगर महामार्गावर पेंडापूर फाट्याजवळील ढोरेगाव शिवारातील गट नंबर 12 मध्ये ऊसाच्या शेतात सीताराम धीवर हे पाणी भरण्यासाठी गेले असता त्यांना शेतात 40 वर्षीय अर्धनग्न अवस्थेत मृतदेह दिसून आला. या घटनेची माहिती त्यांनी धरमसिंघ राजपूत यांनी दिली व त्यांनी तात्काळ गंगापूर पोलिसांना माहिती देताच घटनास्थळी प्रभारी सहाय्यक पोलीस निरीक्षक साईनाथ गीते, उपनिरीक्षक शकील शेख, उपनिरीक्षक अजहर शेख, पोलीस हेडकॉन्स्टेबल कैलास निंभोरकर,अमित पाटील, बलवीरसिंग बहुरे आदीं घटनास्थळी दाखल झाले. 

पोलिसांकडून तपास सुरू :मृत व्यक्तीचे नाव पॅन कार्ड ने पटली असून सुनील प्रकाश जमदाडे राहणार पाटोदा असल्याची प्राथमिक माहिती मिळाली असून मृतक जल शुद्धीकरण प्रकल्पात कामाला होता. या घटनेचा पंचनामा सुरु आहे. प्रकरणी अधिक तपास पोलीस करत आहेत. यामध्ये वेगवेगळे तर्कवितर्क लावले जात आहे. परंतु, तसा कोणताही तर्क न लावता तपासातून जे समोर येईल ते लक्षात घेतले जाईल अशी माहितीही यावेळी पोलिसांनी दिली आहे.

बातमी देण्यासाठी व जाहिराती साठी संपर्क करा. 

 ब्रेकिंग न्यूज, सरकारी व खासगी जॉब अपडेट, सरकारी योजना व इतर महत्त्वपूर्ण माहिती तुमच्या मित्र परिवारातील लोकांना मिळण्यासाठी आमचा 9834985191 हा नंबर तुमच्या गावातील व् इतर् WhatsApp गृपमध्ये ॲड करा.